X-PANCHER TEAM...

NiCe CaTcH Di PeRaiRaN PeLumPonG

2012-01-15T20:00:00.000-08:00

Buat kedua kali nya di tahun baru kami mencuba lagi mengail di sangkar Hj Zainal di Pelumpong...selain kami, ramai jua pengail lain yang mengail di sana jua...di awal pagi keadaan air bergelora tapi berubah tenang masa tengah hari...hari atu makan nya inda berapa semeriah dulu semasa percubaan kali pertama kali...masa patang dalam 2-3 jam kan mulih baru tah ada makannya...Azim dengan Kerapu nya, Najib dengan Banau nya dan Azmi dengan Ketambak nya...aku sibuk mengail Banau, syok jua melayan Banau atu, liar bah...nasib ya mata kail ku inda merakat...

Durang Kaka sama Pamit pun turun jua mengail di sangkar lain...pesta Belais bah durang...inda di sangka jua beluih Bebatik di sana atu...awal kali musim lauk tahun ani hehe mau di cuba tu sangkar di sana ah, macam-macam sudah naik nya...nyanyat tia bah :)

KaPas-KaPas

2012-01-06T18:00:00.000-08:00

Luih durang Kaka mengail di Sangkar favourite durang...katanya balik jua modal membali kail haha ceta nya ada ya beluih Pila-Pila basar tapi lapas...andangnya tu cubaan supaya nyanyat mengail...

PesTa BeLaiS

2011-12-28T12:00:00.000-08:00

Gambar luih mengail di sangkar Apok di pelumpong jua...Trip kali ani dijayakan oleh Kaka X-Pancher, Ros dan Suami, Pamit serta keluarga balah Suami hehe mesti jua masuk blog, ada jua kan diliat...mun ada gambar baru update saja di FB, aku masukkan dalam blog...

SaNgKaR PeLumPonG

2011-12-11T23:00:00.000-08:00

Buat pertama kali nya kami - Aku @ Hill, Azim, Azmi dan Najib - mencuba mengail di sangkar Hj Zainal pelumpong...start mengail pukul 8 pagi sampai 5 petang dengan bayaran $15 sekapala...tempat mengail di sana bulih tahan jua...time atu banyak belurih Kerisi Bali...puas jua hati melayan tapi sayang inda banyak begambar...labih jua sekilo kali eh hehe tapi ikut aing jua lah nya Tuan punya sangkar...sapa interested cuba saja mengail disana...

1st UnGGaH

2011-11-27T18:00:00.000-08:00

Turun mengail di tempat biasa, tempat hot spot kami...mulai patang sampai malam...patang atu Azmi belurih Umpak lagi...hari atu kurang mendapat sambutan...jarang-jarang makan bah tapi kami tunggui jua sampai ke malam...nda disangka jua Unggah belurih atu, pikir lauk lain...Azim 1st Unggah, kajai-kajai jua nya haha makai kail damit lagi hehe time ditunggui inda pandai ada Unggah atu...rezeki...

DouBLe UmPaK

2011-11-20T21:00:00.000-08:00

Pancingan kali ani berlansung diwaktu malam...macam biasa buang boreng bawa mengail saja...ada jua hasilnya inda sia-sia...2 ekong Umpak ani saja durang bergambar...yang lain ada jua tapi yang biasa-biasa saja macam Usus atu lah...umpan biasa-biasa saja mengail bottom main berasa aka main feel haha

KuRaU 2.6 Kg

2011-11-14T17:25:00.000-08:00

Trip kali ani bersama Najib dan geng-geng nya mengail pakai perahu yang mana dibawa oleh bapa salah seorang dari geng nya...ceta nya inda berapa makan time atu...Kurau atu tah saja yang belurih...makai kerikan saja oleh bapa geng nya...durang pinjam saja jadi model buat kenangan :)

SaPiT BiRu BuLaN 10

2011-10-08T00:00:00.000-07:00

Kali ani Rayyan pun turun mengail Udang Galah jua...belurih kali ah jangan inda galat hehe gambar ikan atu saja diliatkan pasal baru-baruan jua meliat...kurang pasti apa nama bangsa nya...sapa tau share-share saja...apa nya orang, menunggu-nunggu aing pantai bisai, baik mengail di aing tawar dulu, inda ja...

uDaNg GaLaH AiDiLFiTri

2011-09-03T23:50:00.000-07:00

Apa macam?puas makan Udang Galah ni Raya ah...inda tah kira Raya kah inda kah yang penting ngail jua haha apa-apa pun mesti ada usaha baru ada rezeki...panuh aisbok sudah gaya nya ni...ampit-ampiti eh Udang Galah ah haha sedikit sebanyak gambar hasil tangkapan di bulan September...

ReZeKi Di BuLaN RaMaDHaN

2011-08-14T16:00:00.000-07:00

Masih banyak gambar Rayyan bersama Udang Galah untuk dikongsikan...kali ani hasil tangkapan di bulan Ogos...sodap tu Udang Galah masak kunyit...jangan ada yang meleleh air liur saja...sia-sia pun haha

KoLeKsi uDaNg GaLaH Di BuLaN JuLai

2011-07-09T14:00:00.000-07:00

Hasil tangkapan Udang Galah dikawasan Sungai Tutong disepanjang bulan Julai...nada modal kan beceta...gambar ada jadi tah, nda ja...model Udang Galah yang inda asing lagi semestinya Junior Uncle Sail, Rayyan :) muka manyak senyum...

BeRaLiH SeLeRa

2011-06-29T17:00:00.000-07:00

Memandangkan musim ikan air masin sudah beransur reda, mengubah selera ke air tawar pulang...mastermind nya Uncle Sail...aku inda dapat ikut pasal masih dalam berpantang hehe start mengail dari awal pagi dan balik patang lah tu ah...seharian mengail ada jua belurih Udang Galah atu tapi nada yang besauh...tempat nya di Sungai Tutong...banyak spot mengail sana atu, cuba-cuba saja mana tau ada rezeki kan....

PaJaL LaGi...

2011-05-19T06:30:00.000-07:00

Untuk sekian kali nya kami turun lagi memajal dilokasi yang sama berumpankan udang hidup yang steady-steady dengan harapan yang mengunung tinggi kalah gunung Everest...keadaan cuaca sangat mengizinkan serta air yang tersangat lah jeranih macam aing swimming pool...pembukaan tirai kami seawal pagi udah menaikkan Buntal...Buntal bukan sebarang Buntal, Buntal monster x ah aha salah bacaan gayanya...

Selepas Buntal terpaksa lah kami menunggu sehingga ke tengah hari baru tah timbul Tawih kiut ani dinaikkan oleh Unce...nada hal menaikkan...ahirnya ampit jua ya taun ani menaikkan lauk haha time kan blah dari sana baru tah ada naiknya jadinya kami pun menunggu dan memajal lagi sekajap mana tau ada lagi...memandangkan aing surut udah kami pun tawar hati udah kami pun chow cin caw...umpan banyak nda kana jamah...abis-abis kana papat saja sama mati...

SaPie SeLePaS HuJaN...

2011-05-17T09:00:00.000-07:00

Seawal pagi kami sudah berada dilokasi pilihan yang mana cuaca hujan dan angin kencang mencabar mental dan fizikal kami untuk meneruskan trip ani...disebabkan kami meliat joran pemancing lain masih disambar lauk time cuaca macam ani jadinya kami teruskan tah jua...selepas saja hujan beranti, ternyata 4 ekor Sapie berjaya dinaikkan oleh Azim (2 ekor), Najib dan Azmi walaupun memakan masa jua menunggu makan nya...apa nya org ngail mesti sabar ceh nyampah haha heng tah banar durang ani...tengah hari kami pun blah pasal berubah udah angin nya...nanti-nanti lagi kami mengintai Sapie...

LaYaN PaRi, SaPie & TaWiH...

2011-05-15T07:00:00.000-07:00

Selepas cubaan yang kurang memberangsangkan minggu lapas kami pun turun mencuba lagi untuk sekian kali nya dan ternyata cubaan kali ani nda sia-sia...berbekalkan udang hidup yang encem-encem ulih merambat dan membali...seawal pagi udah kail Azim dicuba oleh Sang Pari seberat 5.5 kg dan nda mengalami masalah menaikkan...terima kasih jua kepada pemancing sebalah kami yang sudi menghulurkan penyiutnya...

Selepas saja naik Pari, Azim dan Hafiz balik sekajap pasal ada ujian betulis dan tinggal lah kami 3 urg saja menunggui...nda batah atu Najib lagi melayan Sapie...senang ja ba itu...ada sekali atu kail Azim on sudah paksa ku melayan tapi kecundang bila putus line nya tekana batu...sorry la Jim haha nda biasa makai kail panjang...yang dimain pun nda nampak batang hidungnya...dimasa yang sama, Azmi pun nda ketinggalan melayan Sapie jua...lapas atu baru tah giliran ku menaikkan Sapie jua...sekong sorang lah ampit...

Selesai saja ujian betulis, durang pun balik mengail semula pasal keracunan udah mendangar habar kami yang masih menahan...nda sia-sia bila kail Azim kan tumbang saja inda ulih Tawih mengirit...layan punya layan ahirnya naik jua Tawih atu dengan selamatnya...lapas atu kami pun mulih pasal umpan abis sama nda lagi tahan...lalah kali ah...hasil tangkapan 1 Pari, 3 Sapie dan 1 Tawih...

SeKonG SaJa BaH...

2011-05-08T00:00:00.000-07:00

Memandangkan musim yang ditungu sudah tiba kami pun nda melepaskan peluang untuk mencuba di JPMC dan bermalam disana untuk memilih tampat bisai nya urg...kami pun memilih tampat galaran kami mulut sungai memandangkan hampir semua spot sudah di book udah ulih pemancing lain...berumpankan udang hidup yang $1-10 dan $1-15 saja...teramat lah payah mencari udang basar masa ani...

Seawal pagi abis saja hujan labat turun, kami hanya dapat menyaksikan pemancing-pemancing lain melayan kail dorang yang nda pandai beranti belingkuk manakala dispot kami hanya sunyi sepi tanpa ragutan ganas sehinggalah datang hero kami menyelamatkan kami kehkehkeh alum batah mengampai kail udah taus beraksi...berbekalkan pengalaman Dang Malai nya, Uncle Sail hehe yang membawa umpan sendiri yang sudah dijampinya berjaya menjinakan satu-satunya Tawih yang sedang mengamuk dispot kami...selepas atu bebalik tia sunyi sepi...kami pun mengambil keputusan untuk mulih pasal malas kan menunggui lagi...

PeLumPonG SeKaN TrY...

2011-03-13T08:00:00.000-07:00

Dunia telah digegarkan oleh gempa bumi dan tsunami yang telah melanda negeri Jepun...apa pun trip Pulau Pelumpong kali ke 2 diteruskan jua...tawakal saja hehe makan lauk langsung nada...kail nada ingut nya...aing pasang tinggi udah...nda ngam kali aing nya...sekong Kerapu ganya beluih...tq to Padamit Precious Anglers yang sudi mengantar mengambil serta menunggui kami di Pulau...mun kami behajat ada kami mengontek lagi tu hehe

KeRaPu RaPu...

2011-02-26T07:40:00.000-08:00

Setelah lama nda update blog psl bz saja ahirnya kami pun mencuba mengasting, membottom dan mengerikan...ngeri woo...mun nda tahan nya urg main casting ani bek tah beranti kes malas lah tu ah haha main kerikan plg belurih...Kerapu saja yg sudi pikir Ungah toing...umpan Tamban dalam aisbok...

SanTai LaGi...

2010-11-28T22:00:00.000-08:00

DaDaP...

2010-11-27T02:20:00.000-08:00

Kali ani kami ngail Bantang lagi di lain tempat...tempatnya nda asing lagi di Dadap Kilanas...ani 1st time tah perasaan ku ni ke Dadap ah hehe bro sama indung bini ku puas udah...bru jua kan bejinak-jinak mengail di sungai...ulih hari atu nda brapa banyak...peralatan mengail Bantang ani kacoi saja hehe mata kail yang damit, joran buluh ka kayu ka bulih pakai tu, pakai pelampong mun nda pakai pun bulih jua...cara tradisi lah kata kan...umpan cacing bulih jua pakai martabak mantah...bali rah kadai makan yang ada bejual martabak lah tu ah...hajat taus mencari anggak di hutan haha tapi nada sanang mencari...Dadap ani bagus jua untuk bejogging ni...

oLe-oLe BanTanG...

2010-11-25T21:20:00.000-08:00

Hasil mengail Bantang lagi yang dapat kami kongsikan...

LanGuRaN aTTacK...

2010-11-22T20:00:00.000-08:00

Hari yang memaningkan...diliat usul cuaca macam nda mengizinkan turun mengail...kan hujan pisinnya tapi dalam hati on saja...ahirnya turun jua di Serasa haha Languran 4 ekong ani tah ganya luih kami...makannya pindah-pindah...macam melintas ganya Languran ani...umpan udang hidup damit...

Ani luih Unce (penyanyi Indon haha) mengail sama kawannya di Sangkar Pengkalan Sibabu Mentiri...Banyak makannya..perambut malar putus mun nda putus miss saja...basar nya labih tapak tangan ni...lapas hujan labat nda tia ada lagi makannya...Languran jua pakah ni ah...Di Serasa bek jua nda hujan mun hujan sia-sia saja ke sana...

MenGaiL BanTanG...

2010-11-14T23:10:00.000-08:00

Hari Ahad patang kami mengubah mood mengail Bantang di Sungai Tanjong Nangka bersama indung kami...Sungai damit saja...Sungai atu dijumpai ulih Bapa time nya mundul Burung...umpan Kami Cacing saja...hari nda bisai kan ujan ganya time patang yatah nda jua batah banar kami ngail...hasilnya atu tah ganya...Badus ada beluih tapi nda rakat matakail atu....

KaTaM SamSenG...

2010-11-12T23:00:00.000-08:00

Katam ani beluih time kami sibuk-sibuk main casting di Sungai JPMC (galaran kami)...kail belingkuk ulihnya...pikir lauk yang menungap ani panya Katam...umpan lagi Kembura...sapitnya bukan main basar...ani tah ganya yang beluih...ada yang lain kami catch&release ja...

CasTiNG MaLaM...

2010-10-20T22:07:00.000-07:00

Sedikit info saja yang ku tau ni ah...durang mengail di Sungai Matan...ani luih nya ngasting...lauk ani kalau nda salah Ikan Sumpit-Sumpit ni...mun salah nda tah ku tau lagi ni apa bangsa nya...nda jua disangka ya menyambar casting atu...casting brandnya Hinomiya...ada jua kail durang kana irit tapi udah ampir atu ilang tia...atu tah saja kisahnya yang ku tau...

MaRanG KeRaPu...

2010-10-08T07:24:00.000-07:00

Oleh kerana kami keracunan udah mengail ani (memang dari dulu udah keracunan banar nya hehe) yatah mengail tah jua kami lagi time pagi Jumaat. Walaupun di malam hari ujan semangat ngail nda pudar tapi bepikir jua eh kan mengail hehe umpan udang mati saja dibawa sama lauk dari aisbuk...lama udah nda naik nda meliat nda beluih Kerapu ani ahirnya nampak jua batang idung nya...ok itu aje...

PaRi oH PaRi...

2010-10-03T06:00:00.000-07:00

Nda disangka yang di intai menjelma jua...walaupun udang idup nda banyak kami beluih payah mencari nyamu tapi ada jua ulih atu...ganya aing surut masa atu sama berombak jua lah...memang dari mainanya dapat udah di teka sang Pari yang melahap umpan atu...nda jua berapa batah banar main...menyiut memang susah kan cakap...paksa menunggu ombak memukul...

Nasib jua perambut yang dipakai atu perambut braid line mun nda geleng-geleng pala putus udah awal...barat nya nda tau pasal malas kan menimbang...sebelum ani malar udah kail kami kana tarik tapi balum ada nasib...ada yang putus perambut, putus line main rah batu dan ada yang nda kana jamah langsung umpan atu hehe aing surut katakan...

KeTaHuAn SeLiNGkuH...

2010-09-24T05:40:00.000-07:00

Lingkuh ani beluih makai kirikan saja...di main casting nda ya menjamah langsung...membagi garam hati saja...umpan lauk tamban...aing masa atu bleh jua di katakan bisai walaupun ampir udah di penghujung tahun...maklum otw kan musim tengkujuh...lauk lain yang beluih, lauk-lauk biasa ja...

RaMaDHaN BuLaN ReZeKi...

2010-08-28T08:18:00.000-07:00

Malam seterusnya kami 5 urg turun lagi mengail di tampat yang sama di JPMC la tu ah mencuba nasib lagi...tapi mengecewakan sedikit pasal udang yang kami buking kana juali...walaupun kecewa kami tatap turun jua nda tah kira tu ah ehe umpan udang hidup ampit sikit saja...bek jua kami standby umpan mati...

Malam atu hujan barai-barai macam dimalam jua tapi ani lagi batah lah hujannya...aing janih tapi macam bepasir...lauk-lauk damit rancak kami beluih...Usus tah yang paling banyak...sodap tu...dalam pkul 2 lalu time ku sadang mengail lauk damit terasa kuat taiknya kail ku atu...udah ditaik barat...tukang siut ku nda len nda ukan dan yang tidak asing lagi Hapiz la yang laju turun menyiut...

Nasib sanang disiut...nasib jua ku beluih atu...perambut ku gayus udah perambut nipis lagi...bek jua talannya mata kail sadang damit ku atu...umpan pun udang mati saja...ani tah nama nya rezeki di bulan Ramadhan ni...btw apa bangsa nya lauk ani ah?mun ku nda salah Gumbir ni...baratnya nda betimbang yang penting naik toing...

UmPaK LamBaT BerSuNgKai...

2010-08-27T05:30:00.000-07:00

Lama udah banarnya kami kan turun mengail time bulan Posa ani tapi malam atu baru tah kami ada chan turun memandangkan cuti 3 hari jua kan ...kami 4 urang turun malam atu bebahata udang hidup kuin la katakan tapi dikit ganya kami beluih pasal udang time Posa ani payah behunjar...aing punya lah jeranih nda rugi turun...

Saat-saat yang ditunggu-tunggu ahirnya menjelma jua...dalam kul 10.30 malam kail ku tumbang kana taik...masa atu brader ku Hapiz sedang mengumban kail nya ke aing bukan membuang kail eh...balum sampai ya menahan kailnya layannya kail ku yang tumbang atu sambil teriak-teriak...tolong-tolong eh salah Mat kail mu...nah bucur tia nama encemku...aku malas melayan pasal pembual anak atu tau-tau ya puas melayan luih kail ku atu kuang asam...

Atu laju lari ku mengaga minta kail ku ehe main sekajap jadi tah...aku melayan kail ku ia tukang siut...bek jua laju ya menaik tangsi ku lungar time lauk atu masuk batu...disiut-siut selahau tia jua siut atu balum belock yatah pusing-pusing pala siut atu...diampainya tah saja lauk atu tampat batu...bek jua nda brapa kuat lagi lauk atu...mata kail pun telapas jua time rah batu atu...rejeki nda kemana ahirnya selamat tah jua dalam siut...ampit tah ku melayan lauk taun ani...barat nya kurang pasti pasal nada penimbang...selain atu lauk-lauk damit ada jua kami beluih...

SpoT BaRu...

2010-08-01T04:00:00.000-07:00

Ketemu kita lagi dalam rancangan jom pancing bersama X-Pancher Team toing ok kali ani kami mencuba tampat yang balum pernah kami aga xcept aku lah pasal aku dulu pernah ngaga sekali tapi lama udah...tampat nya di Pengkalan Sibabau...ok jua tampat atu...time kami mencuba atu banyak makan nya...lauk2 damit plng ganya tu...katam Suri pun nda mau ketinggalan minta kail...kalau ada masa free nanti kami kan mencuba spot2 baru lagi tapi spot satu atu nda kami lupakan tu...stik to 1 kali ah...

aDa ReZeKi Di KaLa BBQ...

2010-07-11T07:26:00.000-07:00

Lauk ani berjaya dinaikkan ulih Azim time ya bbq di Serasa sama geng2 nya...ja nya ya mencuba2 saja mengail sana nda sangka kana taik kail nya sampai belingkuk...yatah apa lagi juara lumba lusir la ya...main carah sama lauk ani katanya batah jua...pikirnya Pari maklum aing kabut masa atu tapi rupanya Lauk Putih...siut nda membawa time atu abis tah kawannya diulunya turun ehe ahie nya selamat di tangan tah jua setelah sekian lama putus2 saja nda sampai begambar ehe barat nya udah di timbang di rumah 3.4 kg...bleh tahan...umpan udang idup teknik release...

aPa KaH BanGsa nYa...

2010-06-06T07:16:00.000-07:00

Lapas saja abis acara kemuncak aku pun nda segan silu turun mengail di tampat biasa...tampat biasa lah tu ah...aing nda brapa bisai...makan lauk pun ngak ada...itu mood mau tangkap ikan basa pun sudah mampos wooo tiba2 kail Najib macam menari gambus ujung nya apa lagi...siut siut nya yang lain...udah di naikkan sorang2 rasa bangang dan garam...urang sebalah kami ani lagi membagi watir ya meliat ehe mun basar kan di liatkan ani nda apa la ehe nda kami membawa mulih kan di apa jua, nda jua kami tau bangsanya ni...kami ntar ya mulih balik...sekian

BaTik Di JauDunG...

2010-05-14T06:30:00.000-07:00

Batik ani luih cazen ku Awg...beluih dalam pkul 7 yatah taus msg nya ku...aku pun begagas ke Jaudung hajat kan mengail taus meliat lauk luih nya...gayanya tampat full udah nda tah jadi di sana ngail...ambil gambar lauk nya tah saja...barat nya mayb 2-3 kg la kurang pasti jua nada penimbang...pastu aku pun ke JPMC...banyak makan nya time atu tapi bukan rah kami, rah urang sebalah kami...banyak jua durang naikkan...rah kami nada makan nda tah kami majal hari Jumaat tah lagi hehe

PaRi LaGi LaH...

2010-04-23T08:00:00.000-07:00

Kesemua pari ani dinaikkan oleh our Uncle Sail hehe ya ganya yang heng masa atu...tapi nda ya mau begambar paksa tah mencari model hehe kami mencuba dari patang dalam kul 5 atu lah...pikir awal2 lauk yang beluih ani tapi paham2 ja lah...ani tah ganya tangkapan kami...aing semakin menjanih udah...paksa tah dipajal ni...

PaRi SuDaH MenJeLma...

2010-04-18T17:50:00.000-07:00

Cuaca bulih tahan tapi panas kali ah...aing mengabut masih pasal di malam hujan labat...mencuba dari tangah hari sampai patang...awal spot di cuba langsung nada makannya membagi sasak...udah pindah spot diujung sekali di JPMC baru tah ada makannya...Pari ani tah yang dulu naik...lapas Pari ani ada 1 miss, 1 putus di tarik entah nda tau...urang sebalah kami menaikkan Ungah...

NaDa PeDaH...

2010-04-02T17:30:00.000-07:00

Lama udah nda turun ke Serasa ahirnya ke sana jua tapi ani tah ganya hasilnya...nada pedah hehe buang minyak ja...

aDveNTuRe Di UBD...

2010-03-07T18:00:00.000-08:00

Awal-awal mencuba di JPMC tapi membagi malas perahu banyak disana..pukat lagi nyamak, nda jua masuk lauk tu...aing pun kureng jua...so kami pun meraun di Pantai Tungku meliat suasana di sana...lapas atu baru tah kami ke batu UBD...kira 1st time jua ni ke sana...jalan nya membagi watir mun kana usai bisai dapat jua di aga mun yang nda sayang keta bleh lah di aga balik-balik hehe rah batu kami langsung nada makannya...batu sebalah yang kami liat ada makannya...sekali putus sekali belurih tapi nda tau lauk apa urang atu belurih...malas menungui dalam kul 3 chow...

aPa iTu?

2010-03-05T21:00:00.000-08:00

Lauk apa ni?ada sesiapa yang tau?Tampat dan Lokasi macam biasa lah...umpan Lauk Tamban sama Basong ketinggalan di rumah, paksa tah makai umpan Udang mati sama Udang hidup saja atu pun dikit...Lauk basar balum ada rah spot kami ani...aing pun balum jua janih...di Tungku banyak udah naik tu...yang makan abis-abis Gelama sama Usus yang bedamitan saja...banyak pulang belurih, nda tegambar lagi...

MenGemBaRa Ke PeLumPonG...

2010-02-27T20:00:00.000-08:00

1st trip ke Pulau Pelumpong...ke Pulau kana antar dan kana aga balik oleh G-Mi Precious Anglers...harganya not bad, runding saja Padamit Precious Anglers ah hehe sampai di sana ampir kn pkul 9 la...

Di awal pagi nada makan nya...anak Kerapu ani tah saja yang membantai umpan mati kami tapi jarang makannya...Ikan kana buru banyak eh...

Sebelum Pari ani, ada main sekali tapi sayangnya mata kail nda cun rah mulutnya so berputih mata lah...kurang pasti apa kah lauk atu...ekongnya kuning, badan hitam berbintik-bintik...ketumbang ka tu?

Pari ani pun time tangah hari baru tah naik...nada makannya nyamu...aing pun sadang-sadang ok la...nda jua ku muji sangat...

Kali terakhir menikmati aing begas...selepas atu kana rompak tah aing durang ulih ambuk hehe aing putih nda ya bguna pandai bana ambuk sana atu...membuka menuntum lagi dapan kami tu penyeluru tah bana...

Santai yo...panas apa nda kira lagi janji rock toing ya jua sun burn nya padihhh...

Buing nada kan di buat, kail pun nada belingkuk baik tah mengambar saja...

Sebelum balik naik lagi sekong tapi nda ku tau apa nama lauk ani...Gumbir ka?ntah la labu...so next time lagi mentry di sana...

MeNguBaH MoOD Di SeRaSa...

2010-01-14T05:00:00.000-08:00

Hasil tangkapan di Serasa dari malam hingga ke subuh ani tah ganya sekong Ikan Ketambak...selain atu ada pulang lagi tapi Utik tah ganya memanjang...aing sajuk hari kan hujan saja mana kan...ani pun salah-salah jua kan ke Serasa pasal hujan nda betantu masa ani...main membagi watir maklum pkai kail damit saja pikir basar panya toing...

Ku PiKiR DaLaK...

2009-12-13T20:30:00.000-08:00

Dalak mana jua hidup di aing masin talo bana tapi atu tah yang kami pikir kan tu awal-awal...mun di liat dari atas bah awu cun macam Dalak...udah naik baru tah tau...mun nda salah Ibu Gelama ni...kalau salah luruskan ah...kejarangan beluih ni lauk ani atau aku ja yang perasan ni hehe nda batah ku melayan main lauk ani pasal ku pam saja nda bagi chan...sampat jua ya melumpat akrobatik sekali...pikr lauk bemain yang melumpat ani panya ya tah udah tu...kira nasib jua udah ni pasal aku makai mata kail damit ja ni...belingkok jua mata kail ulih nya...umpan kami makai Udang mati ja...lapas ku beliuh aing mengabut bepasir tia ampir-ampir batu atu...beombak lagi...lapas nada makannya apa lagi berangkat mulih le...

KamBanG BuLu eH...

2009-12-06T22:00:00.000-08:00

Malam atu kami turun nda amai...macam biasa 4 urang saja aku tinggal...ani aku nyuruh durang beceta aku menaip...makannya malam atu banyak tapi nda pandai merakat, makan makai garpu kali lauk atu makan...pasal malar main-main menyabut "panjang perambut panjang lauknya" ahirnya banar eh...awal-awal yang beluih ani di pikir ular membagi hijap pisinya...rupanya Balut...udah di bawa mulih, kata uang di rumah bukan Balut, Badong namanya...barat lauk ani mau jua 2.5 kg, di rumah menimbang...menaikan lauk ani lagi 1 hal, sorang-sorang hijap...siut lagi nda membawa...tepaksa tah di latok kepalanya...gambar sorry nda brapa tarang paksa main edit lagi...isi nya di salai nyman panya...

Di WakTu MaLaM...

2009-11-28T21:30:00.000-08:00

Al kisah...tersebutlah kisah...Sang Kancil datang beramai-ramai mengadap Duli Sultan Firaun taibbb...astaga len tah pulang...ok cani cetanya...macam biasalah ngail start patang tapi banyak makannya time malam yatah syok melayan...beluih lagi turut-turut nda branti...sekali line putus time melayan mangsa yang nda diketahui...asal main saja putus sapa jua nda len nda bukan c Ajim punya kaja tapi ahirnya beluih jua ya Languran Mega aka Ikan Putih kalau luus jua tu ah...nda pulang sampai 1 kg hehe tapi puas hati jua meliat saisnya...aing bulih jua di katakan bisai malam atu...Languran c Ajim migang tu...Usus aku migang...nyman panya Usus ani...sapa yang alum parnah makan bek tah merasa...slurppp

aDa EkoNg...

2009-11-23T21:30:00.000-08:00

Ikan sama macam hari atu...kali ani ada ekong nya...tampat ngail yang sama macam hari atu...umpan yang sama macam hari atu...mata kail damit yang macam hari atu...urang yang belurih nda sama macam hari atu...macam hari atu macam hari atu...ah baru ku ingat apa saja janis Kitang bisai-bisai saja dangan iting nya...apa saja yang benama iting ani nada yang nyaman ni...bah

BeLaiS TaK BeReKoR...

2009-11-21T20:15:00.000-08:00

Kemana ilang nya ekong nya ani...sapa punya tanggungjawab ni baik akun...ani mesti kes nda mau idup lagi ni yatah ya makan kail ani...okeh sesi mari beceta sekejap...cerita nya miani...nda ku tau bana nya ceta nya jan pulang maah ah...nda ku join mana kan...lauk ani nama nya Belais tak berekong...di kail di lokasi yang tidak asing lagi...mata kail pakai yang damit mun basar nda muat mulut nya tu...umpan Udang mati saja...atu ja ceta nya kali...

GeLaMa PaNTai JeRuDoNG...

2009-11-18T19:46:00.000-08:00

2 ekong ani tah saja yang ampit kami kail...selain ani ada pulang lagi tapi nda kami gambar...ani saja yang kami gambar pasal kejarangan beluih yang basar macam ani...tampat ngail di Pantai Jerudong...try spot baru saja buang tabiat...

PaRi SenJa...

2009-11-01T21:00:00.000-08:00

Pari ani belurih time kan malam udah...lokasi di JPMC...Pari saiz cani isi nya nyaman banget ni...kalah jua isi Pari yang bagak2...kalau nda caya cuba tia...

CaCaH CaBuR...

2009-10-23T01:29:00.000-07:00

Hasil tangkapan terdiri dari ikan Garut-Garut, Bulama, Tambak, dan Usus...kepada yang tidak disebutkan diminta melapor diri eh apa kan...ani tah luih kami ngail masa atu bukan main syok tapi mesti makai alat pancing set ringan baru syok melayan ada feel fightingnya...lauk basar balum ada yang damit sekali sekala layan jua...udah ditangkap jangan pulang dibazir okeh...

BaSaR TaPaK TaNGaN...

2009-10-11T01:00:00.000-07:00

Usulnya damit digambar tapi basar nya mau jua sais tapak tangan atu...mun banyak luihnya nyman dimakan ni...ikan Languran ani jenis berkawan/berkumpulan atau bersendirian?ku rasa nda bekawan ni...nda ya suka bekawan,lurus?mun nda banyak tia makan nya ritu...

MeNCaRi SaNG KaPaS-KaPaS...

2009-10-09T00:00:00.000-07:00

Mood kan ngail lapas Raya atu pelahan-lahan timbul...tapi kalau kan di pikirkan, lauk basar-basar balum ada timbul ni maklum lah cuaca nda betantu masa ani, aing pun macam milo saja...so kami pun try ngail d lagoon berharap ada lauk Kapas-Kapas sudi makan...ani tah pic hari atu...ramai yang turun padang kan...luihnya nda jua banyak macam yang diharapkan hehe malas tah ku masukan picnya :P

SaLaM AiDiLFiTRi...

2009-09-21T20:00:00.000-07:00

X-Pancher TeaM mengucapkan Selamat Hari Raya kepada semua geng-geng dan kepada semua yang setia melayari blog kami...Sempena hari lebaran ini kami ingin memohon ampun dan maaf jika terdapat kata-kata yang kurang menyenangkan, kurang sopan dan menyinggung perasaan awda semasa pembikinan blog ani...ahir kata dari kami Selamat Hari Raya dan maju pancing untuk semua!!!

SeBeLuM RaYa...

2009-09-17T19:00:00.000-07:00

Santai jua yo...apa macam ngail?nyanyat?steady udah ni...bleh ikut tournment ngail udah ni tapi nangkap udang untuk umpan takut2an harharhar jangan maree...

Sorang asyik dengan kail nya...sorang sampat lagi posing begambar adidih banyak baguss...trip kali ani di plan secara membuta tuli...abis saja bersungkai dan jalan2 taus menyantai di Portview...kali ani ngail dangan geng-geng lama skulah...hasilnya kantoiii

IkLaS DaRi X-PaNCHeR TeaM...

2009-08-22T20:00:00.000-07:00

KaPaS-KaPaS...

2009-07-31T20:00:00.000-07:00

Diberitakan sang kapas-kapas muncul kembali setelah kian lama menyepi...spot kali ani di Lagoon JPMC...patang atu labih 5 ekong yang dapat tapi sekong ani saja jadi model hari atu...my bro nda tegambar lagi pasal asyik dengan kailnya udah...

KaWaN LaMa...

2009-07-05T23:30:00.000-07:00

Lapas nda puas hati dengan trip hari atu my bro dengan geng2 nya pun mencuba lagi dengan harapan ada lagi cerita sambar menyambar...kes majal lah ni...tapi apa nah kawan lama yang lama udah nda be jumpa ahirnya diketemukan jua...so sweet...

Tapi tak tau lah pulak Bedukang Laut ka Utik ka ni...sapa tau kasi tau aku...baru ku pernah meliat ni basar ah kesian aku ani...hati2 saja mun dapat lauk ani...iting nya mun tekana sakit jua tu...ani ganya luih nya malam atu...umpanya Kembura mati...

JPMC Di AmuK...

2009-07-03T00:00:00.000-07:00

Malam yang diterangi sang bulan serta air yang ngam nyata membagi impak kepada penghuni-penghuni pantai...lauk banyak makan masa atu tapi sayang aku ganya dapat becerita dan bukan yang merasa kesyokannya...biasa nda join my bro ngail...my bro ngail sama geng2 nya...umpan banyak kana hantam time tangah2 malam,time udang kan abis lagi tu...umpan mati nda kana gunai...

Banyak kali jua perambut sama line putus pasal lauk yang mengantam atu ganas2 belaka...ani tah ganya satu-satunya yang ampit malam atu...kalau inda belurih lagi selungsung tu tapi bukan rezeki pasal putus time selungsung tu belipat di udara...Tambak ani pun cikit lagi kan putus asa pasal di hiritnya ke batu...majal punya pasal ahirnya naik jua...berapa banyak pasal daa...

PiLa-PiLa TuNGKu...

2009-07-01T19:05:00.000-07:00

We are back to concoquer the sea boh apa kan...sorry manyak2 pasal lama udah nda update blog ani biasa bz men facebook ops promo facebook tia plg...atas permintaan urg ramai (cam banar :P) so aku update pic kami ngail with sedikit cerita tapi bukan yang the latest ni ah...so ejoy walaupun nda njoy...

Ani tah saja sekong Pila-Pila yang belurih di Pantai Tungku...ani my bro ngail sama kawan nya...waktu ngail-patang...udang hidup sadang2 basarnya tapi yang dapat nda ngam sais nya...apa yang dapat kita ambik je tapi mun yang nda membari-bari, kita lepaskan je...

LeSeN TaWiH...

2009-05-31T20:45:00.000-07:00

Awal pagi sudah berangkat ke spot yang menjadi tumpuan kami nda lain nda bukan JPMC...keadaan air sungguh lah cantik cun melecun tapi pagi atu tampat kami majak kail nada makan lauk atu...yang makan umpan Pila-Pila sekong ani tah saja sedangkan balah spot lain rancak menaikan ikan Sapie...heran jua kami nada makan rah kami atu...

Apabila kail my bro hafez diragut di spot yang kami galar mulut sungai oleh sang ikan yang kami nda ketahui yang menyebabkan mata kailnya patah diawal permainan, kami pun taus merabuti tampat nya menahan kail atu hehe tunggu punya tunggu ahir nya kail ku teruji jua kekuatannya...dengan bunyi gemersing spol Banax Sx5000 ku serta lenturan 'C' joran Daiwa Jupiter ku eseh promo tia pulang ahir nya bermulalah perlawanan yang mendebarkan...main punya main ahir nya terciptalah rekod peribadi ku sekor tawih berat 3.5 kg...menyiut bukan main susah pasal nda muat kepala lauk rah penyiut kami atu, my bro yang menyiut ani lagi gagar mengalahkan gagar ku...bek jua my bro Hafez capat menabak time mata kail telapas dari mulut ikan atu...bek jua standby penabak sama penyiut time genting atu...mun nda ku terajuni lauk atu...

Makan lauk tampat spot kami ani ahir dalam pkul 1-2 atu lah...umpan Udang Idup pun kn abis jua...Tawih atu pun makai Udang Kuin yang ke 3 terahir...lapas rekod tercipta aku pun rehat sekajap membagi my bro chan lah kunun hehe lalah main sama Tawih atu tapi nda lah lama sangat mainnya...waktu kan balik dalam kul 2+ pasal nda tahan dari pagi dah menunggui sama panas jua lagi time patang atu ahirnya sekong ikan Sapie jadi penutup trip kami...baratnya dalam 1+ kg...atu saja al-kisah team X-Pancher kali ani...so tq kepada sesiapa yang sudi membaca dan menghayati ceta dongeng ku ani...chow

BeBaTiK DaN SiBiNTiK...

2009-05-22T21:24:00.000-07:00

Bebatik yang berjaya dinaikkan oleh geng X-Pancher...Baratnya kurang pasti biasa lah nda tedapat penimbang...barang kali antara 1-2 kg lah...aing time atu nda jua berapa janih sangat...ani tah ganya satu-satunya yang makan umpan...bek jua ampit sekong time musim nya ani ada jua kn dilihatkan...spot tampat biasa lah 2 ah...pajal saja tia...

Dalam pkul 6 lalu kami pindah spot ke Pantai Jerudong balah kiri...makannya ada tapi lauk damit2...Pari ani nda jua basar sangat lah...imagine saja basar ok 2?dalam 5 kg?ova tia jua...nda sampai kali ah...

3 SeKaWaN Di TaWaN

2009-05-10T20:00:00.000-07:00

Cuaca masa ani waduh bikin kepala pusing dong...panas hantap...aing macam biasa balum lagi baik munya...lapas nada makan di tampat awal2 kami aga, kami pun pindah ke spot yang mencabar ketahanan mental dan pijikal kami...nada tampat betaduh...kail yang kami tahan nada makannya, ke mana ilang lauk ani kian...

Boreng menunggu kail yang betahan kami pun mencuba ngail di ujung batu, menyagang nya dangan tapi kail di tangan la...ahirnya dapat 3 sekawan ani...nda lah kami mulih tangan kosong...nama tangkapan 1 ekong Ketumbang dan 2 ekong Kerapu...itu je...

KaTaM aPa NaH???

2009-04-21T19:00:00.000-07:00

Hari lain dari yang lain kami turun mancing...pikir aing bisai hari atu...udah sampai di tampat yang dituju Ya Rabbi...punya lah kuat ombak berangin lagi aing kabut mood kan mancing pun ghaib la ntah ke mana...dari 1 tampat ke 1 tampat nada ada makan lauk atu ahir nya mancing di jambatan tah kami saja...makan nya ada eh lauk2 damit saja p kami lapaskan ja balik tak ade makne nye pun...

Katam yang selalu mengacaw umpan yang kami bagi ahirnya tekait jua...abis saja sesi beramah mesra, kami lapas kan ja buat semak je...nda minat makan Katam yatah catch and release je...Katam Kaluk kali ni namanya...balum pro mengilala jenis Katam...sorry lama dah nda update blog...

Ku SaNGka KaN IkaN RuPaNya...

2009-04-19T22:30:00.000-07:00

Air pantai sangat2 lah cantik dan jeranih dan hangatttt...tapi spot baru yang kami try ani langsung nada makan lauk atu...ke mana kah kamu sang ikan tidak kah kamu sudi beradu tenaga dengan kami?uweekkk...umpan udang hidup waduh susah nak dapatin tepaksa tah makai Tamban mati saja...dalam pukul 5+ kali my bro Hafeez sekali lagi (ia saja hish) beraksi...pikir tah ikan yang dilayan nya ani...main mangsa atu macam ikan rupa nya Pari lagiiii

Barat Pari ani dalam 3 kg...ani tah yang terberat baru kami dapat...mungkin nanti ada lagi yang barat kali jadinya sama2 kita nanti kan...makai hirisan Tamban saja kalau makai seekor Tamban aduh macam nada bemakan...kadang2 ikan kadang2 lauk hish lantak lah...

Pari SenJa...

2009-04-17T22:30:00.000-07:00

Bek jua cuaca time patang nda brapa panas...try di spot baru tapi tampat nya sama jua di JPMC...perambut my bro putus tengah2 permainan berlangsung...kail udang galah aduh payah main nyamu...lauk apa kah punya angkara...lauk lain yang makan lauk biasa saja kalau nda silap Husus kah nama nya...ngail sampai malam...tunggu punya tunggu ahirnya tadaaa Pari Bintik...

Pari yang berjaya kami tawan di malam hari Jumaat...hih hih hih hih astaga jangan tegur...Pari bintik berat dalam 1 kg plus saja kali...nada timbangan...balum ada rejeki yang basar2...bek jua ada cBintik ani sudi atu pun tekait pat atas bibirnya saja...nda lurus makan nya pakah...

KeTuMBaNG & PaRi...PaRi LaGiii

2009-04-05T20:40:00.000-07:00

Time my bro ngingkul kail, kail ku pnya line lanjut...pikir kana sambar kah apa kail ku ani panya bekulut sama my bro pnya line hish mental jua ku ulih nya...ps2 tesangkut lagi pat batu...time men tarik2 sama batu terasa macam ada ingut2 lauk atu...rupa nya Ketumbang yang makan...bek jua line nda putus men sama batu...

Pari yang berjaya di pancing by our cuzin...apa usulnya?basar?alummm :P Pari yang bagak2 ntah hilang ke mana yang selalu belurih barat antara 1 - 3 kg saja...2 minatang ani ja ulih time atu...nda dapat dipajal bna2 awan hitam sangat2...bek jua dalam keta udah baru turun ujan...eini bangkit kain jemuran...hujan dah turunnn...

PaRi sHy...

2009-03-27T22:50:00.000-07:00

Kail kail!! jeritan sangau kami...apa lagi belusir tah mendapatkan kail yang membuatkan hati manyak degup2...tarik punya tarik nda berapa melawan so pam abis ja...air time atu surut hantap payah jua menyauk Pari ah...takut2 putus tekana batu beserta kerang-kerangan yang tajam...tapi dengan jampi rempah import dari India itu Pari ahirnya berjaya disauk oleh ku (HeLL)...

Napa kah ya Pari ani majal belipat ah...Pari bini-bini pakah malu ya kan kami yang encem2 ani...encem?uweekkkk...asyik2 Pari je yang sudi menyambar umpan kami...Pari nyambar baru lagi 2...bejodoh sama Pari tah bana kami ani...apa pun syukur jua ada jua kn di bawa mulih...

Side Story:-

Kami ngail sampai malam...time malam Gelama bagak2 (bagi kami lah) sais antara 4-5jari membaham umpan kami...banyak jua makan nya yatah syok melayan tapi manyak sori nada gambar kan diliatkan...

HaNya BeBeRaHaN...

2009-03-20T20:50:00.000-07:00

Trip pajal di lokasi yang sama dengan harapan ada ikan yang sudi menyambar umpan yang diberikan tapi susah nak cakap lah...so kami pun pindah spot ke air yang lebih aman, tenang, romantis gitu uwekkkk...hasilnya ikan Beberahan dalam 1+ kg berjaya dinaikan time matahari udah ngampai...syabas Mister Sab...

PaSs LeSeN PaRi...

2009-03-15T23:38:00.000-07:00

Pari pertama dalam bidang pengailan ku...kecian kan aku atu...udang king & queen yang kami pakai...udang damit nda ya beliur...

Nda jua melawan sangat lah...pam saja taus jangan peduli...barat dalam 2 kilo...last friday, my bro cikit lagi belurih Pari tapi uleh kerana nda cukup alat kan menaikan, perambut putus di mamah batu eseh...Pari yang ya belurih atu buleh tahan tapi bukan rejeki kan...

Side Story:-

Patang atu my cuz kail nya kana tarik ikan kali tapi bukan jua rezekinya...line putus di awal permainan maybe line nya betakah udah...umpan pakai Tamban mati...ngail dari tangah hari sampai patang...asal kan ngail, malam sebelum beraksi ujan saja geleng kepala ulihnya...geleng bang jangan tak geleng...

BiaSa SaNTai DanGaN U...

2009-03-13T22:00:00.000-07:00

U=Umpak toing...ada orang bilang ikan gerut2 & ikan umpak tak sama...lantak lah...janji ada bunyi...

Ah ani basar lagi dikit...time maghrib ni dapatnya...umpan udang hidup...

Nah ani tah hasil tangkapan kami...nda jua seberapa tapi ok jua lah...kalau yang damit kami catch and release ja...balum cukup syarat-syarat kan di ngap...

TriPLe G

2009-03-06T12:00:00.000-08:00

Turun memancing tanpa banyak bicara lah...kami zoom dari rumah dengan semangat yang gila dan memang gila...udah sampai yang dituju, sorang2 nda tau tampat mna kn melabuh kail...panat bna...mau nda mau kami cuba dulu spot ampir lagoon...nda batah ngampai ada makan nya tapiii nda merakat...majal pisin lauk yang ngacaw atu ahir nya pandai2 tupai melumpat pandai lagi kami melumpat eh apakan...ahirnya dapat lah ikan Gerut-Gerut/Gaut-Gaut...

Udah nada makan nada kacawnya spot awal2 kami pun chow ke spot ke 2 tampat simen namanya...batah jua nunggu makannya...pas atu kail my bro macam artis ah, macam bukan mancing pisinnya, kna taik...so apa lagi taik tah jua kan...ahir nya dapat jua lagi ikan Gerut-Gerut/Gaut-Gaut ani...Mun nya basar lagi cikit ku galar Umpak okeh...

Lauk dangannya begambar ani lauk pinjam ja ni...yang belurih lauk ani bz ngail...banyak makannya yatah nda lapas kail bah dari tangan...lauk ke 3 ani sama jua lauknya, tau kan?mun nda tau aku pun nda tau...kami ngail sampai malam banarnya...time malam atu ada kisah lucu terjadi tapi malas nak ceta lah...sehari pun nda mau abis 2...untuk makluman kepada yang gila pancing gila memancing musim lauk sedang bermula so ready2 saja...

HaRi Dia LaH PuLaK...

2009-02-20T21:41:00.000-08:00

Taus ja ke cerita seterusnya...makan ikan atu nda brapa banyak kalau ada pun yang damit2 saja ngacaw mengabiskan umpan...bebata kan Udang idup ulih membali sama yang baku dalam esbok...tepaksa tah nunggu lagi...udah abis sabar nunggu kami pun plan tukar spot...sebalum tukar spot atu ani tah luih nya Balut apa kah namanya...sebalum dapat ani ada plang dapat yang damit tapi nda di gambar...kami lapas kan saja taus...

Lapas beluih Balut atu kami pun tukar spot di Jambatan...lama udah nda test power sana...hari pun kan galap udah...nda batah ngampai kail, kail Bro Hafeez ditarik sesuatu...so apa lagi beraksi lah...kail pakai nya ani kail lambut reel damit bagi watir meliat lingkuk dari asakan padu esehmen ikan ah...ahirnya naik lah jua ikan Gumbir kalau nda silap...Saiznya ok plang...mun basar lagi syok melayan main nya...kecik2 dah kuat udah basar lagi power...

Kerana ada makan ikan atu kami pun menunggu beberapa jam lagi sampai lah malam...kalau menunggu kail awu jangan di cilin lain lah kalau lalah udah alah tia...ahir nya kailnya lagi yang kana gelaie...udah di try tampat nya ngampai kail atu kan tesangkut tia ganya mbagi malas paksa di putus ahirnya...penutup trip ahirnya dapat ya lagi ikan jenis yang sama...hasil tangkapan 1 Balut 2 Gumbir...THE END huarghhh zzz

PaRi MeNyErAnG!!!

2009-02-15T20:54:00.000-08:00

Ceritanya begini diwaktu petang yang sungguh limbu nda panas sangat nya dangan kami pun pegi mancing lah...membali udang hidup di Sengkurong...lama udah nda makai udang hidup terasa jua kan makai sekali sekala...air pump lagi mbagi kasian usulnya tapi janji udang atu hidup tutup kes...

Sampai sahaja ke destinasi yang dituju kami tanpa segan silu melabuh pancing yang dibawa...air time atu sadang2 lawa bagi kami...nda batah melabuh my bro(1st picture) kail nya lanjut tangsinya...kalau lanjut tangsi ani ada harapan beluih selalunya...ingkul punya ingkul barat rasa nya...melawan ada jua rasanya tapi dia tak kasi chan...ahir nya Pari Bintik yang muncul...saiz nya nda jua basar sangat tapi ada fight...

Lapas ya dapat Pari atu kami apa lagi mau jua merasa main Pari...tnggu punya tunggu masa untuk beraksi singkat la...hari dah nak gelap...tak semana2 kail my bro(2nd picture) tumbang...pikir ditiup angin ka apa ka...dia ingkul ada rasa sumthing narik...kail nya belingkuk bukan main kail lambut lah katakan reel nya reel damit lagi reel udang Galah...tangsi pun nipis...dia ingkul saja blm pandai main release drag apa ntah ada system drag ntah nda reel nya atu...ahirnya naik la jua seekor Pari lagi...so trip kali ani dapat 2 ekor Pari...that all...blah...

KeRaPu TaKkaN PuPuS aGaKnYe

2009-02-13T20:38:00.000-08:00

Di suatu petang yang panas huh panasss, guey serta bro-bro guey sekali lagi berentap menyentap tersentap di tempat biasa...lama dah nda update bukan apa nada ole-ole kan ditayangkan...awal minggu February kitaorang pegi mancing tapiiii paham2 je lah nada ole-ole kan ditayangkan...nada ole-ole kan ditayangkan hish berapa banyak ole-ole lah nyampahhh...

Celita dia ini macam woo...itu air tidak bagud munya...gua manyak fikir lama itu ujan tidak tulun itu air pantai manyak bagud munya tapi haiyaaa tapi kelana itu mood manyak gila mancing munya kitaolang lantak aje lah...tungu munya tungu munya tungu itu kelapu sudah sangkut la dekat itu baju melah munya pancing...minatang ini munya sais itu biasa munya...kitolang ambik ini minatang tidak salah woo ini minatang sana sini ada woo dia tidak mau pupus munya...

Gambar batu besusun atu ulih kami nyusun 2...mau2 jua sehari nyusun adih membual...disana tah guey main casting 2 selalu...seritu ada ikan nyambar casting guey yang jenis popper bukan renang dalam tapi nda melakat nyanta...tekajut ku kali ah ya myambar ah tepalanting popper ku ulihnya...nda ku tau ikan apa kah nyambar ah...ikan paus kali adih membual lagi...atu ja ceta ku...

AL-KiSaH BeKaRa MunYa kaKi

2009-01-30T04:00:00.000-08:00

Trip kali ani aku yang bernama HeLL toing nda join durang my bro ngail ditampat biasa...meliat keadaan cuaca yatah malas ku kan majal...paham2 je lah musin ujan musim banjir banyak aktiviti tergendala...durang my bro ja sama kengkawan durang yang masih nyanyuk kan ngail...durang tulak berbekal Udang yang durang rambat di malam...

Awal2 durang ngail tampat lagoon atu belurih beberapa ekor ikan Duyung ops aku pun dah nyanyuk la...ikan2 biasa je lah belum ada ikan2 yang special...lapas nada makannya lagi pat lagoon atu durang pun pindah tampat...nda batah my bro Azem melabuh kail, ada respon ikan atu...so apa lagi dia tak kasi chance dia pun try strike...dia pikir gerangan ikan yang makan kail nya so dia pun ingkul punya ingkut lapas 2 tesangkut la pula...

Tarik punya tarik tubbb (ada soun epek lagi) kail lepas daa yang timbul kat air itu 2 kaki Bekara tercabut laa, Bekara nya nda sangkut pat mata kail laa...pisinnya basar Bekara yang menarik kailnya a2...tahannya lagi kailnya ahirnya dapat tah ya lagi 1 eko Bekara sais kecik...bapak dia tak dapat anak dia jadi lah...musim Bekara kali masa ani ntah lah...

JoM MeRamBaT uDaNg

2009-01-29T12:00:00.000-08:00

Malam Jumaat yang suram, durang my bro Azem & Hafeez keluar merambat bersama dengan kengkawan durang...awal2 durang merambat Udang di Damuan...Udang damit2 saja durang belurih...lapas atu durang pindah merambat ke Makam Luba...disana ada urang gtau banyak Udang tapi ikut musim lah kali 2 ah...masa ani lagi kan ujan2 saja...

Rambat punya rambat ahirnya Udang Galah yang kena...2 ekor ja yang belurih selabihnya Udang kecik2 je...mun Udang Galah yang besapit warna biru kana galar 'Sauh' seperti yang dapat dilihat gambar di atas...Udang yang diperolehi ani kan dijadikan umpan kail dan bulih jua dibuatkan 'sapak' gulayan nya dangan...sorry pasal nda brapa tarang pic satu atu galap time atu...mengambar pakai handphone je...

BeKaRa MaKaN KaiL?

2009-01-26T20:50:00.000-08:00

Sungguh mengejutkan bukan? Tapi mun nda tekajut buat bodo je lah buat mua bangang...Tak sangka lah pulak Udang Bekara pun beminat kan makan kail berumpankan Udang mati dari pasar...pikir Udang Galah saja yang pandai makan kail...my bro Azem yang belurih ni Bekara ah...Trip masa ani aku nda ikut pasal ke Miri kina melagau makan dan bz membuang usin sama ehem2...my bro ngail dengan kengkawan X-Pancher...

Selain ani ada lagi durang belurih tapi nda durang begambar, ikan biasa2 saja...ani tah saja yang special yang durang gambar...sais Bekara ani sederhana saja macam sais Udang Galah Matang (Sauh) pisinnya...apa yang kami tau Bekara ani payah kan belurih dan mahal harganya ni mun basar...entah apa ke benda yang membuatkan Bekara ani makan kail...buang tebiat agaknye...

CoBaaNnN...

2009-01-25T03:00:00.000-08:00

Mancing di tempat biasa di mana jua lagi kalau bukan J??? tau jawapannya?bagus...Waktu memancing mungkin awda tau bukan?bagus...malam hari sebelum pegi mancing hujan turun dengan lebatnya...awda tau bukan keadaan air selepas hujan...tau?bagus...tetapi kerana semangat yang berkobar2 geng2 X-Pancher tetap turun memancing dengan tololnya...lautan badai lagi di redahi masa perkara kecik begini di takutin...

Kan mancing ikan sais basar balum lagi masa nya ni kita tungguu je...so kami practise main pancing dengan ikan2 sais sederhona jo lah...nak ambik feel lah katakan...hasil tangkapan kami 2 eko Kapas-Kapas, 1 eko Kirong-Kirong dan 1 eko Gelama or Bulama lantak je lah janji ada bunyi...itu je lah...

JouRneY oF LinGkaLinG

2009-01-18T23:05:00.000-08:00

Trip kali ani atas ajakan cuzin2 X-Pancher...kami sudah bertolak seawal 7 pagi dan memakan masa antara 40-50 minit perjalanan...Distinasi kali ani 1st time Team kami jelajahi yang mana jalannya sungguh licak yang amat ya ampun...macam trip 4WD tia pulang...1st trip yang di aga berhampiran dengan Polis Marin Muara dan 2nd trip biasa di Pantai Serasa...

Hasil tangkapan 1st trip seperti Kerapu, Tambak, Languran, Banau dan nda dilupakan Bedukang yang menjadi teman setia X-Pancher udah...kami memulakan rentak ala caca dengan menahan kail di batu dan sambil2 atu mengail ala gogo dibawah terowong...kalau kail main betahan Bedukang je yang ngap...Dibawah terowong atu tah ikan banyak breakfast kail kami...ampir2 tangah hari ikan pun dah kenyang dan tak layan umpan kami lagi...

Dalam pukul 1+ kami pindah ke Pantai Serasa...Banau tah yang paling banyak dapat dikail uleh cuzin kami menggunakan teknik pelampung umpan udang idup yang kecik2 je..kami jadi tukang surak sama tukang kommentetar saja...hasil tangkapan nda lagi tegambar pasal nda larat lagi kan katik2...lapas nada lagi makan kami pun blah dari situh...

P/S:- kenapa trip ani ku galar lingkaling pasal sepanjang trip ani dari awal hingga ahir kami bejamur bepanas macam nak mampos rasanya...kulit pun macam kulit si kawan jua udah tapi heran cuzin kami nda beranti migang kail asyik dengan kail2 durang kami alahai kan kepisan udah...

*Picture atas dan tangah kawasan dekat Polis Marin Muara...sedikit aksi cuzin2 X-Pancher

*Picture bawah tidak lain tidak bukan Pantai Serasa yang panas membara

SPoT BaRu

2009-01-09T06:04:00.000-08:00

Kerana faktor utama mengecewakan (air kabut dan berombak) kami hanya tertumpu pada Bottom Fishing (ngail biasa) je...ikan buruan kami ikan Kirong-Kirong...tampat yang kami cuba ani macam lagoon pisinnya terletak di JPMC jua...kawasannya nda lah basar sangat...ikan ani syok dilayan pasal kuat melawan ada fight lah kata kan...lagi syok melayan kalau saiznya 4-5 jari menggunakan set joran yang lambut sama pakai line nipis...macam melayan ikan basar rasanya tapi jarang makan saja ikan ani...yang kami dapat pun 3 ekor je...cuaca kejap ujan kejap beranti...bila kan ngail je ujan turun cobaaaannnn...

*2 picture above tampat yang banyak didiami Kirong-Kirong

*3 picture below ahli2 X-Pancher dan hasil tangkapan kitaorang

BaTu PuLa

2009-01-04T21:00:00.000-08:00

Seperti biasa tiap Jumat Ahad mun nda ada kan dibuat turun ngail saja nada kaja lain walau air bida sekali pun mun rasa kan ngail sangat2 atu bek tah disampaikan hajat a2...seperti biasa aku main casting...casting punya casting ahirnya tesangkut pat batu, ngail batu lah jawapannya...nda dapat diselamatkan lagi casting ku atu yang bakas ku belurih lagi 2 casting a2 ahirnya putus lah...bagaimana pun aku reda toing dikadai banyak g bjual...banyak dah casting kami putus ditampat atu...ngail biasa ada jua dapat tapi kami lapaskan biasa damit2 ja...

Lapas batu makan casting ku, kami pindah spot di Jambatan...seekor ja belurih atu pun Utik Putih ja...bukan baung panya lapas ku tanya2 pat urg...ramai time atu urg ngail walaupun cuaca mendung bangat...lapas atu kami blah...

*3 picture dari atas tampat kami selalu ngail kalau air kabut dan tampat casting selalu putus picture no.2 yang betanda arrow merah...kalau nda nampak click ja pic atu...

*2 picture dari bawah ngail di Jambatan

BBQ DaN PaNciNg Di SeRaSa

2009-01-01T18:38:00.000-08:00

Sampai di Pantai Serasa dalam pukul 10.30 pagi...Di sana kami serta sanak saudara yang berdekatan mengadakan BBQ sempena awal tahun Masihi...Inggeris nya New Year...sambil2 BBQ banyak jua aktiviti2 yang kami buat salah 1 daripadanya biasa lah mengail...mun nda mengail nda pedah 2 ke Serasa jauh2...

Tangkapan kami banyak nya yang biasa2 saja macam ikan Pila2 seekor, ikan Kapas2 seekor, Tuka2 seekor, Katam dan ada lagi lah lauk atu lupa udah nama nya...gambar tangkapan pun nda sampat di ambil pasal ada yang kana salai tarus dan nda lagi tekanang kan ngambil gambar luan khusyuk udah melayan kail...ikan Kapas ja yang sampat di gambar hasil tangkapan my bro Najeeb...kalau yang damit pisin nya ikan kami belurih atu kami lapaskan saja balik...bia tia basar dulu...sekali sekala amalkan lah tangkap dan lepas...

AkHiRnYa...

2008-12-28T20:15:00.000-08:00

Setelah sekian lama main casting kira2 ahirnya berjaya jua memikat Kerapu bersaiz sedarhana ani...start casting dalam pukul 4+...casting kana sambar 5 minit lagi kan pukul 6...cuba bayang kan berapa puluh kali ku ngumban casting umpan tiruan ani...start gila main casting ani time 2x casting ku kana sambar tapi kerana balum expert dalam bidang permainan casting ani,1x putus di sambar lauk, yang 1x atu di sambar nya pas2 di bawa nya ke lubuknya...Di tarik2 nda mau keluar lauk atu ahirnya tarik punya tarik telapas tia jua casting dari mulutnya...

Hancus lebus la hati gua...nda tau lauk apa yang menyambar yang pasti lauk atu basar saiznya...casting ani ada beberapa jenis 1- yang renang dalam 2- yang timbul (Popper)...ani yang ku tau lah...maklum urang baru belajar...banyak jua udah casting ku yang renang dalam tesangkut di batu...mun nya nasib baik, lapas ya 2 dari batu ah...ani 4 udah melakat tampat batu rugi2 tapi minat punya pasal membali baru lagi...nda tak kira 2 aaa...ahir kata maju casting untuk sukan memancing toing

Syarat2 untuk menjadi pemain casting yang pro :-

1- 'Sabar' kalau casting nda kana layan uleh ikan

2- 'Jangan mental' kalau casting tesangkut tampat batu
3- 'Tahan lasak' bermain casting nda kira b panas b ujan
4- 'Buat daa' saja mun kulit mikin gelap macam c kawan

5- 'Beusin' membali casting baru mun casting tesangkut

p/s :- Nada dih main2 saja...don't so serious baaa

BeDuKaNg MeNgaNaS

2008-12-21T21:00:00.000-08:00

Tempat biasa di mana jua lagi...air kabut macam milo...yang mengaga umpan kami 1 jenis lauk saja...apa lagi mun bukan Bedukang Laut...time air cani ia tah ganya 2 yang merabuti umpan kami..belingkuk kail bukan main bagi watir udah di angkat la Bedukang...buat hati debar2 saja suspen...tapi basar2 saiz nya...ada jua urang membintur katam time kami ngail atu...dapat kah nda kurang pasti tapi yang pasti nya mikin ramai yang membintur di sana...

MaCaM-MaCaM aDa

2008-12-19T20:30:00.000-08:00

Location seperti biasa waktu ngail pun seperti biasa...air masih kabut, biasa lah ujan saja time kan ngail atu tapi ada jua yang sudi menjamah umpan kami atu...umpan biasa saja udang mati sama tamban...awal2 strike Bedukang Laut la tapi kami layan jua mun nama nya melakat udah nda ulah..ada jua urang yang pandai makan Bedukang Laut ani so kami bawak balik je le...lapas atu my bro Azeem dapat katam...beware dengan sapit katam mun ya menyapit tiada maaf bagi mu 2...kan begambar sama katam, haliwat asa nya...

Lapas katam my bro Hafeez (Baju Miah) belurih Bulama...Bulama kah Gelama?kami manggil Bulama pulang...lapas atu baru tah turn ku dapat Kitang...Kitang,Bedukang Laut ada iting 2 so hati2 kalau tekana iting nya nda jua nyman asa nya 2...selain atu ada lagi beberapa jenis lauk yang be iting macam Sembilang,Utik,Baung,Belais,Pari,Tuka2 dan macam2 lagi lah...kalau yang be iting atu sebaiknya buang dulu iting nya,patah saja pakai playar kalau yang dapat di patah jua 2 ah...mun macam Kitang atu iting nya sirip atas 2 so hati2 ja time membuka mata kail dari mulutnya...

UnGGaH PeRTaMa

2008-12-14T21:00:00.000-08:00

Di malam nda puas ngail so around 2 - 7 pm kami mencuba lagi di lokasi yang tidak asing lagi...mun paham bisai...keadaan air biasa lah kabut maklum lah di malam hujan tapi kabut2 nya belauk jua...sekali atu kail my bro Azmy (yang dalam pic ani) kana tarik kail nya tme nya ngail apa lagi beradu tenaga tia dangan lauk yang mengap umpan udang mati yang buntu2 jua usulnya atu..sayangnya time lauk atu ampir dah kan di naik kan, telapas mata kail tia jua dari mulut lauk atu maybe balum merakat lagi pat mulutnya...lupa ya menstrike nya...lauk atu kami rasa lauk Tambak basar nya buleh tahan jua...balum rezeki kali...

Tunggu punya tunggu nada makannya lagi so kami pindah spot lah...balum batah my bro Azmy melabuh kail nya, kna sambar tia...sekali ani nda ya lupa menstrike lagi...melakat mata kail pat mulut lauk atu...ahir nya naik lah unggah uleh nya...selepas unggah, buntal yang dapat...selepas atu nada makannya lagi zoom balik...

ExErCiSe MaLaM Di DaMuaN

2008-12-13T07:00:00.000-08:00

Mula nya kami kan ngail di Pantai Serasa tapi oleh kerana keadaan cuaca yang nda menantu maklumlah musim tengkujuh bulan 12 ani ahirnya ilang idea kan ngail dimana...kan mencuba di Sungai Matan, jalan untuk menuju ke pondok nya, ada majlis makan2 nya kitani, galat jua kami...kan mencuba di Sungai Bunga bejelama udah...ahirnya melabuh kail tah di Jambatan Eletrik di Bandar buang buing...makan lauk atu ada p nda mengana mata kail ahirnya pindah tah kami di Damuan...sana ramai jua jelama ngail pikir tah kami saja...tangah malam ujan so kami berambus lah balik...catch = 0 nadai...

IkaN BaUnG?LaNTaK aJe LaH

2008-12-12T19:16:00.000-08:00

Setelah menyepi dari aktiviti mengail akhirnya kami kembali lagi dengan aksi-aksi yang tak seberapa...lokasi di Airport Lama Berakas around 3 - 6.30 pm...hajatkan mengail talapia tapi batang indung nya nada keliatan langsung mungkin telah habis di lanyak orang mengunakan rambat...yang membaham umpan kami hanya lah ikan baung ikan baung ikan baung...umpan kami pakai cacing tanah saja...

TriP Di YaYaSaN PoRTVieW

2008-07-05T11:47:00.000-07:00

Start ngail di Portview dalam pkul 11 lalu...umpan udang hidup didapati di Jalan Subuk bukan pulang ampai2 umpan atu di Jalan raya, uleh membali nyamu...time atu udang hidup yang kami bali bersaiz damit2 ganya...yang basar2 ntah abis kna bali kali...kami ngail di sna until pkul 5+ subuh...dengan kesabaran dan jampi rempah ratus india ahirnya kami menaikan 2 ekor jenis ikan macam biasa lah kerapu dan tambak...next time lagi kan try sna...JPMC nanti lagi majal di sana...sorry nada gambar untuk diliatkan...

SaNa SiNi KeRaPu aJe

2008-06-18T19:38:00.000-07:00

JPMC Beach (Balah Kanan) around 1 pm...lagi2 JPMC hehe the best fishing spot lah ah bagi ku...heng ku di sna atu :p and again my best rod jua X-puyu yg kna gilaie...ku pikir tah tesangkut batu kail ku ani rupa2 nya ada lauk di sebalik batu...memang adat kerapu...suka membawa ke batu lapas durang ngap umpan so beware...kerapu ani more bigger than the 1st yang ku belurih dulu...asyik2 kerapu umpak saja, lauk lain usulnya nda sudi menjamah umpan yang kami pakai...

MuSiM BeLauK SeDaNg BeRMuLa

2008-05-09T18:00:00.000-07:00

JPMC Beach (Balah kanan) around 1-2 pm...time tengah hari banyak makan lauk atu tapi banyak perambut kami putus saja kna kaja kan...my bro 2-3 kali perambut kailnya putus...nda tau lauk apa mutus kn,lauk begigi basi kali...bek jua bejampi kail ku atu,nada lagi lapas lauk ani...heng X-Puyu (rod) ku atu...barat lauk ani around 1+ kg kali, balum tedapat penimbang...umpan ku pkai lauk tamban mati...tangkapan Umpak...

TriP SoLo

2008-05-01T20:00:00.000-07:00

JPMC Beach (Balah Kiri) around 11 am...solo trip...syukur jua nda sia2 mengail walaupun dapat seekor ja time atu...begambar pun diri sendiri mengambar...kerapu nama nya ni...udang hidup umpannya ni...ahirnya X-Puyu (rod) ku be line kan 25 paun berjaya menaikkan lauk ani tanpa segan silu toing...

TrY PuNYa TrY aHirNyA

2008-02-07T23:48:00.000-08:00

Portview Yayasan around 11 pm...my bro ahirnya menaikkan kerapu ani setelah sekian lama mencuba di Portview...my bro pakai teknik floating menggunakan umpan udang hidup...time atu jarang makannya...lauk2 damit ganya yang kena...di kawasan perairan Brunei ani juga terkenal dengan ikan Selungsung yang menjadi buruan para pemancing...

SeRaSa Di WakTu SuBuH

2007-12-31T07:56:00.000-08:00

Serasa Beach around 4 - 5 am...tengah malam nada makannya udah subuh atu bru tah ada...lauk ani kna panggil Umpak...klu kamu nampak lauk cani di pantai sedang bermadu asmara jangan malu2 ngail kedia...mun teliat tarang tah udah 2 mata ah..time atu aku dapat 2 ekor jenis lauk cani dan 1 ekor Tambak...yg 1 ekor Tambak atu nda ku begambar...umpan udang hidup uleh mbali di Subuk ukan uleh mencuie...